Ultimate Designers Lab
مكان بيتبني فيه الجيل الجاي من المصممين العرب
مش كورس، و مش جروب. مساحة ممارسة منظمة لمصمم عايز يشتغل في أكتر من تخصص، يطوّع الـ AI، و ينافس بالشكل ده دلوقتي.
01الحجة
المصمم اللي بيعمل حاجة واحدة كويس بقى في مشكلة
لسنين كان الطريق واضح. تختار تخصص، تتقنه، تشتغل فيه عشرين سنة.
الطريق ده اتقفل بسرعة أكبر من إن حد يلحق ياخد باله. مش عشان الـ AI بقى أشطر من المصمم، عشان بقى كويس بما فيه الكفاية في الجزء اللي كان بيميز المتخصص.
لو شغلك كله تنفيذ في تخصص واحد، فيه حاجة بتعمله بجزء من الوقت و التكلفة، و العميل بيعرف ده.
اللي فضل ليه قيمة هو المصمم اللي شايف المشروع كامل. فاهم الاستراتيجية، بيترجمها لاتجاه بصري، عارف يوصّل الفكرة، و بيقدر يشحن. مش لأنه شاطر في كل حاجة، لأنه فاهم إزاي الحاجات دي بتتركب مع بعض.
02الفرق
الفرق بين إنك تعرف و إنك تمتلك
تعرف قاعدة في التايبوجرافي، دي حوالي عشرين ساعة. تملكها لدرجة إنك تكسرها بوعي و تعرف ليه، دي حوالي ألف ساعة.
الـ AI وصل للأولى. بيعرف القواعد كلها و بيقولهالك في ثانية، و عشان كده الأولى بقت مالهاش تمن.
اللي لسه ليه تمن هو التانية. و التانية مالهاش طريق غير الممارسة تحت مراجعة. مش محتوى تشوفه، شغل تسلمه و حد يرد عليك عليه بجد.
UDL مبنية على الحتة دي بالظبط.
03الوجهة
الـ Ultimate Designer
مصمم شغال في أكتر من تخصص، بيدّي الـ AI أوامر مش بياخد منه، و بيعرف يدافع عن كل قرار في شغله.
ده مش لقب بيتسلم في الآخر، ده اتجاه بتمشي فيه. و أول خطوة إنك تعرف انت واقف فين منه دلوقتي.
04التجربة
أسبوعك جوه UDL ممكن يمشي كده
- 01
تقرا topic قصير و محدد.
الفكرة الأساسية من غير حشو و من غير فيديو ساعتين.
- 02
تحضر جلستين لايف في الأسبوع.
بنشرح المحتوى و نتناقش فيه، و بنتناقش في شغل الأعضاء مع بعض.
- 03
تنفّذ تمرين بوقت واضح.
من نص ساعة لساعة، عشان الفكرة تتحوّل لقرار.
- 04
تسلّم التفكير قبل الشكل.
بتقول إيه المشكلة، و إيه البدائل، و إيه اللي اخترته و ليه.
- 05
بيترد عليك.
مش «حلو» و لا «مش حلو». ملاحظات على المنطق نفسه، تخليك تشوف اللي فاتك و تعمل نسخة تانية.
- 06
تجمّع إثبات لمهارتك.
الـ badge بيتاخد لما تثبت إنك بتطبق، مش لما تخلص محتوى.
05المنهج
23 مساحة مفتوحة دلوقتي. الخريطة كاملة 25.
كل مساحة بتقفل فجوة معيّنة، وجوّاها منهج مكتوب ومواضيع وتمارين وممارسة أسبوعية. مش لازم تمشي بالترتيب — بتفتح اللي ناقصك.
06ليك و لا لأ
البلاتفورم دي لمين
- +بقالك من سنتين لعشرة في المجال.
- +حاسس إنك وقفت عند سقف.
- +بتشوف الـ AI بيقرّب من الحتة اللي شغال فيها.
- −لسه بتبدأ من الصفر و محتاج أساسيات الأدوات.
- −بتدور على كورس بتخلصه و تاخد شهادة.
- −مش فاضي تشتغل أسبوعياً.
الصراحة أوفر للطرفين. المكان ده بيشتغل مع اللي بيمارس.
07الأعضاء
اللي بيتغيّر مش بس شكل الشغل
معظم اللي اتعلمته كان جوه فقاعة الـ product. في UDL احتكّيت بديزاينرز من motion وbrand وpresentation، وشوفت إزاي كل واحد بيقرا نفس المشكلة من زاوية تانية خالص. والنظام نفسه هو اللي بيخلي ده يحصل: مفيش submission بيعدّي من غير ما تكتب السبب ورا كل قرار، فبتقرا تفكير الناس مش شغلهم بس.
يوسف الفيلمصمم Product/UX · Lead Designer @ Teslm
قبل UDL مكنتش أحسن حاجة في استخدام الـ AI tools، ومكنتش عارف أستخدمه في شغلي صح، ولا إيه الطرق الصح عشان أوصل للي أنا عايزه وآخد أقصى استفادة منه. كمان جوا UDL اتعرفت على ناس related بالمجال، وبنتعلم حاجات جديدة مش بس في الـ UI، لأن هدف UDL إزاي نبقى ultimate designers.
محمد هنيديمصمم UI/UX (Product)
من فترة كنت بدوّر على مكان أقدر أفكر فيه بصوت عالي، وأطلّع أفكار وأشارك تجارب وأتعلم، وأنا مش شايل هم النقد بتاع السوشيال ميديا. وبصراحة من بداية UDL وأنا كل مرة بتعلم حاجة جديدة وبشارك بصوت عالي، وده خلاني أفكر بشكل مختلف وأبص لحاجات كنت بعملها بشكل لاواعي ومش فاهمها، والحمد لله قدرت أفهم أنا بقيت أعملها ليه. شكراً للقائمين على UDL.
محمد عطيةSenior Graphic Designer
08البلوج
بنكتب اللي بنتعلمه
مقالات عن التفكير في التصميم، و الشغل مع الـ AI، و الحاجات اللي بتحصل و احنا بنبني UDL.
كل مقال هنا مربوط بـ space في المنهج، و بيوسّع فكرة منه بمادة و ريسيرش مش موجودين جوه.
09الاشتراك
اشتراك واحد بيفتح كل المتاح
12 space متاح دلوقتي، و أي space جديد بيتفتح جوه نفس الاشتراك. و معاه التمارين، و الـ Weekly Prompts، و المراجعة على شغلك، و الـ badges، و المجتمع.
كل الـ spaces المتاحة
12 دلوقتي، و أي space جديد بيتفتح من غير تكلفة زيادة.
المنهج المكتوب
موديولات و topics واضحة، و كل جزء ظاهر عليه حالته.
التمارين و الـ Challenges
تطبيقات بوقت و هدف محدد، عشان الفكرة تتحول لقرار و شغل.
جلستين لايف في الأسبوع
بنشرح المحتوى و نتناقش فيه، و بنتناقش في شغل الأعضاء.
المراجعة على شغلك
بتسلّم المشكلة و القرار و السبب، و بيترد عليك برد يخليك تعمل نسخة أقوى.
الـ Weekly Prompts
ممارسة مستمرة تخليك شغال بدل ما تجمّع محتوى.
الـ Badges
بتتاخد لما تقدّم إثبات إنك بتطبق، مش لما تخلص محتوى.
المجتمع
مكان تسأل فيه، و تعرض شغلك، و تشوف مصممين تانيين بيفكروا إزاي.
10ابدأ من هنا
طيب انت فين من ده كله
24 سؤال، حوالي عشر دقايق، كلهم مواقف عملية من غير أي مصطلح من جوه المنهج. النتيجة مش درجة. تقرير بيقولك انت واقف فين، و إيه الفجوات، و من أنهي space تبدأ.